RSS

மன இறகுகள்


புத்தகத்தினூடே ஒளித்து வைக்கும்
மயிலிறகைப் போல்
வலிகளையெல்லாம் புன்னகைக்குள்
மறைத்து வைக்கிறேன் !
ஒவ்வொரு பக்கத்தின் மயிலிறகும்
உன்னால் எடுத்து
அன்பால் முத்தமிடப்படுகிறது !
எல்லாம் சேர்த்து மயில் தோகையாக்கி
பரிசளித்துச் சிரிக்கிறேன் !
இந்த சிரிப்பும் உன் அன்பும்
எப்போதும் போல்
வாழ்க்கையை எனதாக்கி
பூக்கள் தூவிச் செல்கிறது !!

  • Digg
  • Del.icio.us
  • StumbleUpon
  • Reddit
  • RSS
Read Users' Comments ( 1 )

சிநேகம்


அன்பை அமுதமாய் அளிக்கும்
ஆற்றல் எல்லோருக்கும் இருப்பதில்லை !
மனிதர்களை அவர்களின் மனதிற்காக
நேசிக்கும் உள்ளங்கள் மிகக் குறைவே !
கேட்காமல் கிடைத்த வரமாய்
அடைமழையாய்ப் பொழியும் அன்போடு
குறைகள் கடந்து
பேதங்கள் மறந்து
உயிரோடு உறவாடும் திறன்
நட்பிற்கு மட்டுமே சாத்தியம் !

  • Digg
  • Del.icio.us
  • StumbleUpon
  • Reddit
  • RSS
Read Users' Comments ( 0 )

செல்ல நாய்க்குட்டி


வழக்கமான  வழித்தடத்தில் 
பழக்கமில்லாத நாய்க்குட்டியொன்று 
வாலாட்டிக்கொண்டு வருகிறது..
எடுத்துக்கொஞ்சவும் வழியில்லை
விட்டுச்செல்லவும் மனமில்லை
எங்கோ தொலைத்த அன்பெல்லாம் தெரிகிறது 
செல்ல நாய்க்குட்டியின் சின்ன கண்களில்!!


  • Digg
  • Del.icio.us
  • StumbleUpon
  • Reddit
  • RSS
Read Users' Comments ( 0 )

மெல்லிய இசை


மழைநாள் பொழுதில்
மனதிற்கு இதமாய் ஒலிக்கும்
இசையாய் இருக்கிறது
உள்ளத்தின் ஆழத்தில்
எப்போதும் கேட்டுக்கொண்டிருக்கும்
உன் மென்மையான குரல் !!

  • Digg
  • Del.icio.us
  • StumbleUpon
  • Reddit
  • RSS
Read Users' Comments ( 1 )

கொஞ்சம் காதல் நிறைய அன்பு


என் உயிரெங்கும் வியாபித்திருக்கும் உன்னை
ஊரெங்கும் தேடித்திரிவது போல் 
போலித்தனம் ஏதுமில்லை !
கனவுகளிலும் கற்பனையிலும்
சேகரிக்கும் நினைவுகளை பொக்கிஷமாக்கி 
பிறவிகள் கடந்து சுமந்து பார்க்கவே 
ஆசைப்படுகிறது இந்த மனம் !

  • Digg
  • Del.icio.us
  • StumbleUpon
  • Reddit
  • RSS
Read Users' Comments ( 1 )