என்றும் அன்புடன்: மாலை நேர மழைச்சாரல்

மாலை நேர மழைச்சாரல்

மனதிற்குள் ஒளிந்திருக்கும் உன்னை
வெளியே இழுத்து
வஞ்சனையாக சிரிக்கும்
வழக்கமான மாலை நேர மழைச்சாரல் … !

விரைந்தோடிய வருடங்களை
கணக்கிடும் என்னால்
அதில் நிகழ்ந்த நிகழ்வுகளை
வரையறுக்க முடியவில்லை…!

எனக்கு வரும் துன்பங்களுக்கெல்லாம்
உன் பிரிவை காரணமாய் நினைத்து
வரும் கண்ணீரும் பிடிக்கவில்லை… !

கண்களில் கனவும்,
இதயத்தில் துணிவும்,
இயல்பான வாழ்கையும்
அமைந்தால் போதும் !
இந்த மழைச்சாரல் எல்லாம்
மறைந்தே போகும் !!!